अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा आज दुई खेलहरु हुँदैछन् ।

त्रिपुरेश्वरस्थित दशरथ रंगशालामा हुने पहिलो खेलमा च्यासल युथ क्लब र एपीएफ क्लबबीच तथा दोस्रो खेलमा मनाङ मर्स्याङ्दी क्लब र हिमालयन शेर्पा क्लबबीच प्रतिस्पर्धा हुनेछ ।

च्यासल र एपीएफबीचको खेल दिउँसो १ बजे सुरु हुनेछ ।

आज च्यासल पहिलो जितको खोजीमा हुनेछ । च्यासल पहिलो खेलमा थ्री स्टारसँग ३-० ले पराजित भएको थियो ।

च्यासल अंक विहीन रहदै तालिकाको पुछारमा रहेको छ ।

एपीएफ पनि पहिलो जितको खोजीमा रहेको छ । पहिलो खेलमा एपीएफ ब्रिगेड ब्वाइज क्लबसँग ३-२ गोल अन्तरले पराजित भएको थियो ।

एपीएफ अंक विहीन रहदै ११ औं स्थानमा रहेको छ ।

लिग अन्तर्गत नै दोस्रो खेलमा मनाङ मर्स्याङ्दी क्लब र हिमालयन शेर्पा क्लबबीच प्रतिस्पर्धा हुनेछ । मनाङ र हिमालयनबीचको खेल ४:४५ बजे सुरु हुनेछ ।

मनाङ लगातार दोस्रो जितको खोजीमा छ । पहिलो खेलमा मनाङले जावलाखेल युथ क्लबलाई १-० ले हराएको थियो ।

मनाङ ३ अंक जोडेर छैटौं स्थानमा रहेको छ ।

हिमालयन पनि पहिलो जितको खोजीमा हुनेछ । पहिलो खेलमा हिमालयनले संकटा क्लबसँग १-१ गोलको बराबरी खेलेको थियो ।

हिमालयन १ अंक जोडेर सातौं स्थानमा रहेको छ ।