बार्सिलोनाका युवा स्टार पेड्रीलाई गोल्डेन ब्वाई अवार्ड
वि.सं.२०७८ मंसिर ७ मंगलवार ०८:२२
एजेन्सीः स्पेनिस क्लब बार्सिलोनाका युवा स्टार पेड्रीले बोरुसिया डर्टमण्डका जुड बेलिङघमलाई पछि पार्दै गोल्डेन ब्वाई अवार्ड जितेका छन् ।
युरोपियन क्लब फुटबलमा २१ वर्ष मुनिका उत्कृष्ट खेलाडी बन्दै पेड्रीले गोल्डेन ब्वाई अवार्ड जितेका हुन् । स्पेनिस मिडफिल्डर पेड्री २०२० मा बार्सिलोना आएका थिए । उनले गत सिजन बार्सिलोनाका लागि ५३ खेल खेलेका थिए ।
थाई इन्जुरीको कारण उनले सेप्टेम्बरपछि भने खेलेका छैनन् । पेड्रीले स्पेनबाट युरोकप खेलेका थिए । यस्तै ओलम्पिकमा रजत जित्दा उनी स्पेनिस टिममा रहेका थिए ।
वि.सं.२०७८ मंसिर ७ मंगलवार ०८:२२