अखबार नेपाल ट्रेन्डिङ

काठमाडौं: अखिल नेपाल फुटबल संघले आदेखि शुरु हुने सहिद स्मारक ‘सी’ डिभिजन लिगको लागि छनोट चरणको खेल तालिका सार्वजनिक गरेको छ ।

छनोटको पहिलो दिन दुई खेल हुनेछ । एन्फा कम्पलेक्समा हुने दिनको पहिलो खेलमा एफसी एस र सरस्वती नगर स्पोर्टस् क्लब बीच खेल हुनेछ । दोस्रो खेलमा आरसी फुटबल एकेडेम र ललितपुर युनाइटेडबीच प्रतिस्पर्धा हुनेछ । ‘सी’ डिभिजन लिगको छनोटमा यसपटक ३८ टोलीले सहभागिता जनाएका छन् । सहभागी टोलीलाई १२ समूहमा विभाजन गरिएको छ ।

समूहका शीर्ष टोलीले दोस्रो चरणमा स्थान बनाउनेछ । पहिलो चरणका खेलहरु २७ जेठसम्म सञ्चालन हुनेछ । समूह विजेता बन्दै दोस्रो चरणमा प्रवेश गरेका १२ टोलीलाई तीन समूहमा विभाजन गरिनेछ । लिगको दोस्रो चरण नकआउटका आधारमा हुनेछ । हरेक समूहका शीर्ष टोली ‘सी’ डिभिजनलाई बढुवा हुनेछ । दोस्रो चरण जेठ ३० बाट हुनेछ । छनोटका खेलहरु एन्फा कम्प्लेक्स सातदोबाटो र बुद्धि बिकास खेल मैदान लगनखेलमा हुनेछ ।