अखबार नेपाल ट्रेन्डिङ

एजेन्सीः स्पेनिस डिफेन्डर सर्जियो रामोस फ्रेन्च क्लब पेरिस सेन्ट जर्मेन (पीएसजी) मा अनुबन्ध नजिक पुगेका छन् ।

फ्रान्सेली मिडियाको रिपोर्ट अनुसार रामोस पिएसजीसँग सम्झौता नजिक पुगेका हुन् ।

१६ वर्ष स्पेनिस क्लब रियल मड्रिडमा बिताएका स्पेनिस डिफेन्डर सर्जियो सान्टियागो बर्नाबेउ छाडेका थिए ।

पीएसजीले रियल मड्रिडका यी पूर्वकप्तानबारे औपचारिक रुपमा केही बताएको छैन ।

तर, आरएमसी स्पोट्र्सले रामोस र पीएसजीबीच सहमति भएको जनाएको छ ।

रामोस र पीएसजीसँग दुई वर्षको सम्झौता गर्ने र पीएसजीले केही दिनमा औपचारिक सम्झौता

गर्ने मार्काले उल्लेख गरेको छ ।

सर्जियोका दाजु तथा एजेन्ट रेने रामोस बिहीबार बिहान सम्झौताबारे छलफल गर्न पेरिस पुगेको

मार्काले जनाएको छ ।

सन् २००५ मा सेभियाबाट रियल पुगेका ३५ वर्षीय सेन्टर ब्याक रामोसले जुनको अन्त्यमा रियल

छाडेका थिए ।

रियलका लागि ६७१ खेल खेलेका रामोसले १०१ गोल समेत गरेका थिए ।

जहाँ उनले ५ पटक ला लिगा र ४ पटक च्याम्पियन्स लिगको उपाधि जिते ।

यो पनि पढ्नु होस्

नेपाल ओलम्पिक समितिको प्रेस विज्ञप्ति पार्कीकाे स्थानमा सरस्वतीले ओलम्पिक खेल्ने