अखबार नेपाल ट्रेन्डिङ

काठमाडौं: सन् २०२२ को फिफा विश्वकप र सन् २०२३ को एसिया कपको दोस्रो चरणको छनोट अन्तर्गत नेपालले आज चाइनिज ताइपेईसँग खेल्दैछ ।

यी दुई देशबीचको खेल कुवेतको राजधानी कुवेत सिटीमा नेपाली समय अनुसार आज राति ९:४५ बजे सुरु हुनेछ ।

यसअघि भएको खेलमा नेपालले चाइनिज ताइपेईलाई २–० गोल अन्तरले पराजित गरेको थियो । जोर्डन र अष्ट्रेलियासँग भने नेपाल पराजित भएको थियो ।

नेपाल समूह चरणमा तीन अंकसहित चौथो स्थानमा छ । अष्ट्रेलियाको १२ अंक सहित शीर्ष स्थानमा छ भने जोर्डन र कुवेत समान १० अंक सहित दोस्रो र तेस्रो स्थानमा छन् ।

नेपाललाई विश्वकप छनोटको तेस्रो चरणमा पुग्‍न भने कठिन छ । बाँकी खेलमा जित निकाल्दै एसिया कप छनोटको तेस्रो चरणमा ठाउँ बनाउने मौका भने नेपालको कायमै छ ।

नेपालले जेठ २४ गते जोर्डनसँग र जेठ २८ गते अष्ट्रेलियासँग खेल्न तालिका तय भएको छ । नेपाली राष्ट्रिय फुटबल टोली जेठ २९ गते स्वदेश फर्कने छ ।

हेर्नुहोस् तपाईको आज २०७७ जेठ २० गते बिहीबारको तपाईको राशिफल