एजेन्सीः सेल्टा डी भिगोसँग पराजित भएसँगै बार्सिलोना ला लिगा फुटबलको यो सिजनको उपाधि होडबाट बाहिरिएको छ ।

सेल्टा डी भिगोले बार्सिलोनालाई उसैको मैदानमा २–१ ले पराजित गरेपछि बार्सा यो वर्ष ला लिगाको तेस्रो स्थानमा रहँदै यो सिजन  सकाउने भएको छ ।

लियोनल मेस्सीको हेड गोल गर्दै टोलीलाई २८औँ मिनेटमा अग्रता दिलाए पनि त्यसलाई जोगाइ राख्न नसक्दा बार्सिलोना पराजित भएको हो ।

३८औँ मिनेटमा सेल्टा डी सान्टी मिनाको गोलमा भिगोले गर्‍यो । खेल सकिन एक मिनेट बाँकी छँदा मिनाले व्यक्तिगत दोस्रो गोल गर्दै पाहुना टोलीलाई जित दिलाए ।

पराजित बार्सिलोना ७६ अंकसहित तालिकाको तेस्रो स्थानमा छ ।

दोस्रो स्थानको रियल ८१ अंकसहित दोस्रो र एट्लेटिको मड्रिड ८३ अंकसहित शीर्ष स्थानमा छ ।

सेल्टा डी भिगोले ५३अंक जोड्दै तालिकाको आठौँ स्थानमा उक्लिएको छ ।