अखबार नेपाल ट्रेन्डिङ

काठमाडौंः नेपाल सुपर लिग (एनएसएल) सोमबार एफसी चितवनलाई २–० ले पराजित गर्दै विराटनगर सिटी एफसी शीर्ष स्थानमा पुगेको छ ।

लिगमा दोस्रो जितपछि धनगढी समान ७ अंक जोडेको विराटनगर हेड टु हेड र गोलअन्तर दुवैमा धनगढीलाई पछि पार्दै शीर्ष स्थानमा पुगेको हो ।

यस जितपछि विराटनगरले नेपाल सुपर लिग शीर्ष चारमा रहँदै प्लेअफ पुग्ने समभावना बलियो बनाएको छ ।

चितवन भने चार खेलसम्म अझै जितविहिन छ ।

४ खेलबाट २ अंक मात्र रहेको चितवन अन्तिम स्थानमा छ ।

त्रिपुरेश्वरस्थित दशरथ रंगशालामा विराटनगरलाई जित दिलाउन विदेशी खेलाडी पेड्रो मान्जी र सन्तोष तामाङले एक एक(गोल गरे ।

पहिलो हाफ बराबरीमा रोके पनि दोस्रो हाफमा चितवनले ७३ मिनेटमा पहिलो गोल ब्याहोरेको थियो ।

७३ औं मिनेटमा सुनील बलको फ्रिकिकमा पेड्रोले उत्कृष्ट गोल गर्दै विराटनगरलाई अग्रता दिलाएका थिए । खेल सकिन एक मिनेट बाँकी

छँदा सन्तोष तामाङले करिब २० यार्ड टाढाबाट उत्कृष्ट गोल गर्दै विराटनगरलाई २–० को जित दिलाए ।

विराटनगरका कप्तान तथा मार्की खेलाडी रन्जित धिमाल प्लेयर अफ दि म्याच घोषित भए ।

यस्तै विराटनगरका सुरज ठकुरी इमर्जिङ प्लेयर अफ दि म्याच घोषित भए ।

यो पनि पढ्नु होस् ।

उमाकुण्ड गाउँपालिकास्थित बाम्ती भण्डारको एक घरमा आगलागी हुँदा एकै परिवारका दुई जनाको मृत्यु