अखबार नेपाल ट्रेन्डिङ

एजेन्सी: बार्सिलोनाले गेटाफेलाई ५–२ गोल अन्तरले हराउँदै स्पेनिस ला लिगामा सानदार जित हात पारेको छ ।

बार्सिलोनाको फराकिलो जितमा कप्तान लियोनेल मेस्सीले दुई तथा रोनाल्ड एराउजो र एन्टोइन ग्रिजमनले एक गोल गरे ।

गेटाफेका इनेस युनालले एक गोल गर्दा एक गोल उपहार पाएको थियो ।

खेलको ८औं मिनेटमा बार्सिलोनाले लियोनेल मेस्सीको गोलबाट अग्रता लिएको थियो ।

१२औं मिनेटमा क्लेमेन्ट लेङ्लेटले आत्मघाती गोल गरेपछि खेल १–१ गोलको बराबरीमा पुगेको थियो ।

खेलको २८औं मिनेटमा सोफियन चाक्लाले आत्मघाती गोल गरेपछि बार्सिलोना खेलमा २–१ ले अघि बढ्यो ।

३३औं मिनेटमा कप्तान लियोनेल मेस्सीले व्यक्तिगत दोस्रो तथा टोलीका लागि तेस्रो गोल गर्दै बार्सिलोनालाई पहिलो हाफमा ३–१ ले अघि बढाए ।

खेलको ६९औं मिनेटमा इनिस युनालले गोल गर्दै खेललाई ३–२ को अवस्थामा ल्याए ।

८७औं मिनेटमा रोनाल्ड एराउजोले मेस्सीको पासमा गोल गरे । अतिरिक्त समयको थप गरिएको तेस्रो मिनेटमा एन्टोइन ग्रिजमनले पेनाल्टीमा गोल गर्दै बार्सिलोनालाई ५–२ को फराकिलो जित दिलाए ।

जितसँगै बार्सिलोनाले उपाधि सम्भावनालाई जीवितै राखेको छ ।

बार्सिलोना ३१ खेलबाट ६८ अंक जोडेर तेस्रो स्थानमा उक्लिएको छ ।

शीर्षस्थानको एट्लेटिको म्याड्रिडको ७३ तथा दोस्रो स्थानको रियल म्याड्रिडको ७० अंक छ ।

दुवै टोलीले ३२ खेल खेलेको छ । पराजित गेटाफे ३१ अंक जोडेर १५औं स्थानमा छ ।

एट्लेटिको म्याड्रिड स्पेनिस ला लिगाको शीर्षस्थानमा फर्कियो