इंगलिस प्रिमियर लिगमा लिभरपुललाई शिर्ष चारमा पर्न कठिन
वि.सं.२०७८ वैशाख ७ मंगलवार ११:३९
एजेन्सीः इंगलिस प्रिमियर लिगमा लिभरपुललाई शिर्ष चारमा पर्न कठिन लिभरपुलको प्रदर्शन जारी सिजनमा सोचे भन्दा खराब रहयो ।
च्याम्पियन्स लिगमा क्वाटरफाइनल बाटै बाहिरिएको छ ।
इंग्लिस प्रिमियर लिगमा पनि एकपछि अर्को खराब प्रदर्शन गरिरहेको छ ।
डिफेन्डिङ च्याम्पियन लिभरपुलले इंगलिस प्रिमियर लिगको सुरुवाती खेलहरुमा उत्कृष्ट खेल्दै आफू बलियो भएको दाबी गरेको थियो ।
तर लिगको मध्यतिरबाट भने लिभरपुलको प्रदर्शन खस्किदै गयो ।
अहिले लिभरपुललाई प्रिमियर लिगको अन्तिम चारमा पर्न पनि कठिन भएको छ ।
गएराति भएको खेलमा लिड्स युनाइटेडसँग लिभरपुलले १–१ गोलको बराबरी खेल्यो ।
तुलनात्मक रुपमा कमजोर मानिएको लिड्ससँग खेलेको बराबरीले प्रिमियर लिगको उपाधि दौडबाट बाहिरिसकेको लिभरपुललाई शिर्ष चारमा पर्न पनि कठिन भएको छ ।
यदि जारी सिजनमा लिभरपुल प्रिमियर लिगको अन्तिम चारमा पनि पर्न असफल भएमा च्याम्पियन्स लिग खेल्नबाट समेत बन्चित हुनेछ ।
खेलमा साडियो मानेको गोलबाट लिभरपुलले अग्रता लिएको थियो ।
पहिलो हाफमा १–० गोलको अग्रता बनाएको लिभरपुलले खेलको ८७औं मिनेटमा गोल खाँदै बराबरीमा खेल टुंग्याएको हो ।
महत्वपूर्ण खेलमा एक अंकमै सीमित बनेको लिभरपुल लिगको छैटौं स्थानमा छ ।
३२ खेलबाट लिभरपुलको ५३ अंक छ । शीर्ष स्थानको म्यानचेस्टर सिटीको ३२ खेलबाट ७४ अंक हुँदा समान खेलबाट म्यानचेस्टर युनाइटेड ६६ अंक जोडेदै दोस्रो स्थानमा छ ।
एक खेल कम खेलेको लेस्टर सिटी ५६ अंकको साथ तेस्रो स्थानमा रहेको छ भने चौथो स्थानको वेष्ट हामको ३२ खेलबाट ५५ अंक छ ।
पाँचौ स्थानमा रहेको चेल्सीको ३१ खेलबाट ५४ अंक छ ।
वि.सं.२०७८ वैशाख ७ मंगलवार ११:३९