ईटालियन सिरी ए फुटबलमा युभेन्ट्सको सहज जित
वि.सं.२०७७ फागुन १९ बुधवार ०८:५३
एजेन्सीः ईटालियन सिरी ए फुटबलमा युभेन्ट्सले स्पेजियालाई ३–० गोल अन्तरले हराउँदै सहज जित हात पारेको छ ।
यभेन्ट्सका लागि ६२औँ मिनेटमा अल्भारो मोराटा, ७१औँ मिनेटमा फेडेरिको चिएसा र ८९औँ मिनेटमा रोनाल्डोले गोल गरे ।
पछिल्लो गोलसँगै रोनाल्डोले युरोपका शीर्ष पाँच लिगमा पछिल्लो १२ सिजनमा कम्तीमा २० गोल गर्ने पहिलो खेलाडीको कीर्तिमान बनाएका छन् ।
जितपछि तेस्रो स्थानको युभेन्टसले शीर्ष स्थानको इन्टर मिलानसँगको दूरी सात अंकमा झारेको छ ।
वि.सं.२०७७ फागुन १९ बुधवार ०८:५३