अखबार नेपाल ट्रेन्डिङ

काठमाडौंः राष्ट्रिय महिला लिग फुटबलमा आज दुई खेल हुँदै छन्।

पहिलो खेलमा उदयपुरको चौदण्डीगढी नगरपालिका र विभागीय क्लब त्रिभुवन आर्मी फुटबलबीच प्रतिस्पर्धा हुनेछ।

अंकविहीन चौदण्डीगढी नगरपालिका आर्मीविरुद्धको खेलमा अंक खोस्ने लक्ष्यमा हुनेछ।

बिहान ११ः३० मा हुने खेलमा आर्मी भने स्पष्ट जित निकाल्दै १३ अंक बनाउने लक्ष्यमा छ।

आर्मी लिगको दोस्रो स्थानमा छ।

आर्मीले पाँच खेलमध्ये तीन खेलमा जित, एक खेलमा हार र एक खेलमा बराबरी खेल्दै १० अंक बनाएको छ।

यता, चौदण्डीगढी भने पाँच खेलमा सबै खेल हार्दै अंकविहीन छ।

त्यस्तै, आजै हुने दोस्रो खेलमा नेपाल पुलिस क्लबले मोरङको विराटनगर महानगरपालिकासँग प्रतिस्पर्धा गर्दैछ।

पुलिस लिगको तेस्रो स्थानमा रहँदा विराटनगर पाँचौं स्थानमा छ।

पुलिसको पाँच खेलमध्ये दुई खेलमा जित, दुई खेलमा बराबरी र एक खेलमा हार ब्यहोर्दै आठ अंक छ।

विराटनगरको भने पाँचमध्ये दुई खेलमा जित, दुई खेलमा हार र एक खेलमा बराबरीसहित सात अंक छ।

विराटनगर र पुलिसबीचको खेल सकिएसँगै लिगको पहिलो चरणका खेलहरु सकिने छन्।

अहिलेसम्म एपिएफले ६ खेलमा शतप्रतिशत नजिता निकाल्दै १८ अंक बनाएको छ।

यो पनि पढ्नु होस्

https://www.akhabarnepal.com/%e0%a4%b0%e0%a5%8b%e0%a4%a8%e0%a4%be%e0%a4%b2%e0%a5%8d%e0%a4%a1%e0%a5%8b%e0%a4%95%e0%a5%8b-%e0%a4%a6%e0%a5%81%e0%a4%88-%e0%a4%97%e0%a5%8b%e0%a4%b2%e0%a4%ae%e0%a4%be-%e0%a4%af%e0%a5%81%e0%a4%ad/