अखबार नेपाल ट्रेन्डिङ

काठमाडौं: प्रधानमन्त्री कप एकदिवसीय पुरुष क्रिकेट प्रतियोगिताको फाइनलमा विभागीय टोली त्रिभुवन आर्मी र अर्को विभागिय टोली एपीएफले प्रतिस्पर्धा गर्ने भएका छन् ।

प्रतियोगिताको फाईनल खेल माघ १७ गते किर्तिपुरस्थित टियू क्रिकेट मैदानमा हुनेछ । दुबै विभागीय टोलीबीचको फाईनल खेल बिहान ९ बनेबाट शुरु हुने छ ।

एपीएफ समूह ‘ए’ को विजेता बन्दै प्रतियोगिताको सेमिफाइनलमा प्रवेश गरेको हो । जारी प्रतियोगिताभर अपराजित एपीएफलले सेमिफाइनलमा पुलिसलाई ३० रनले पराजित गरेको थियो ।

आर्मी समूह ‘ए’ को उप विजेतको रुपमा सेमिफाईनलमा स्थान बानाएको थियो । आर्मीले लिग चरणमा एक मात्र हार एपीएफबिरुद्ध सामना गर्नु परेको थियो । समूह चरणमा एपीएफले आर्मीलाई ६ रनको रोमाञ्चक जित निकालेको थियो ।

उपाधिको प्रवल दावेदार मानिएका दुबै विभागीय टोलीमा राष्ट्रिय खेलाडीहरुको बाहुल्यता छ । दुबै टोली यस पटक उपाधी उचाल्दै दोस्रो पटक प्रधानमन्त्री कप आफ्नो नाममा दर्ज गर्ने योजनामा हुने छन् ।