अखबार नेपाल ट्रेन्डिङ

काठमाडौं: सातदोबाटोस्थित एन्फा कम्प्लेक्समा आज राष्ट्रिय महिला लिग फुटबलमा एक खेल मात्रै हुँदैछ ।

आज हुने खेलमा नेपाल पुलिस क्लबले उदयपुरको चौदण्डीगढी नगरपालिकासँग प्रतिस्पर्धा गर्नेछ । यी दुईबीचको खेल अपरान्ह २ बजे सुरु हुनेछ ।

पहिलो खेलमा पुलिसले त्रिभुवन आर्मीसँग गोलरहित बराबरी खेलेको थियो ।

उपाधि दाबेदार मानिएको पुलिसका लागि यस खेल महत्वपूर्ण रहेको छ ।

चौदण्डी भने पुलिसलाई हराएर सुखद सुरुवात गर्न चाहन्छ । चौदण्डीको यो पहिलो खेल हो ।

जारी लिगमा एपीएफले मात्र जित निकालेको छ । एपीएफले बिहीबार चन्द्रपुरलाई ६-० ले हराएको थियो ।

महिला लिगमा तीन विभागीयसहित ७ टिमले प्रतिस्पर्धा गरिरहेका छन् ।