अखबार नेपाल ट्रेन्डिङ

एजेन्सीः बार्सिलोनाले कोर्नेलालाई अतिरिक्त समयमा २-० ले पराजित गर्दै स्पेनिस कोपा डेल रे फुटबलको अन्तिम १६ मा प्रवेश गरेको छ ।

कोर्नेलाको मैदानमा बार्सिलोनाले दुई पेनाल्टीमा गोल गर्न नसकेपछि खेल अतिरिक्त समयमा पुगेको थियो ।

खेलको ३९औं मिनेटमा मिरालिम पाज्निकले पेनाल्टीमा गोल गर्न सकेनन् ।

यस्तै ८०औं मिनेटमा डेम्बेले पनि पेनाल्टीमा गोल गर्न चुकेका थिए ।

अतिरिक्त समयमा ओसुमाने डेम्बेले र मार्टिन ब्रेथवेटले गोल गर्दै बार्सिलोनालाई जित दिलाए ।

खेलको ९२औं मिनेटमा डेम्बेलेले गोल गर्दै बार्सिलोनालाई अग्रता दिलाएका थिए ।

खेलको ११८औं मिनेटमा अल्बर्टले रातो कार्ड पाएपछि कोर्नेला १० खेलाडीमा समेटिएको थियो ।

त्यसपछि खेलको १२०औं मिनेटमा मार्टिनले गोल गर्दै बार्सिलोनालाई २-० को जित दिलाए ।