अखबार नेपाल ट्रेन्डिङ

चितवनः चितवनमा आजबाट दोश्रो संस्करणको माडी गोल्डकप शुरु हुँदैछ ।

‘स्वास्थ्यको लागि खेलकुद, राष्ट्रको लागि खेलकुद’ भन्ने उद्देश्यका साथ आजबाट शुरु हुने माडी गोल्डकपको उद्घाटन खेलमा लेखनाथ युनाइटेड क्लब पोखरा र हनामी एभरेष्ट क्लब चितवनसँग प्रतिस्पर्धा हुनेछ ।

प्रतियोगिताका सम्पूर्ण खेल माडीस्थित फुटबल मैदानमा दिउँसो २:३० बजेबाट शुरु हुनेछ ।

प्रतियोगितामा सहभागी टिमहरु विरगञ्ज युथ एकेडेमी विरगञ्ज, एफ सी मुनडियल हेटौंडा, एभरेष्ट क्लब चितवन, सेन्ट्रल कलेज बि एफ सी भरतपुर, लेखनाथ युनाइटेड क्लब पोखरा, काठमाडौं-११ काठमाडौं, अल स्टार क्लब तनहुँ र आयोजक माडी-११ ( बसन्तपुर युनाइटेड क्लब ) माडी गरी जम्मा आठ टिमको सहभागिता रहनेछ ।

प्रतियोगिताको विजयी टोलीले नगद २ लाख, उपविजेताले नगद १ लाख र साथमा ट्रफी, मेडल, प्रमाणपत्र पाउने छन् भने प्रतियोगिताको सर्वोत्कृष्ट खेलाडीले नगद १०,०००, सर्वाधिक गोलकर्तालाइ नगद ७,५०० रुपैंयाँ त्यस्तै गरी उत्कृष्ट गोलकिपर, डिफेन्स, मिडफिल्ड, फरवार्ड, टिम कोचहरुलाई जनही रु. ५,००० प्राप्त गर्नेछन् ।

त्यस्तै नवप्रतिभाशाली खेलाडीहरुलाई नगद ३,५०० र हरेक खेलको म्यान अफ द म्याचलाइ नगद ३००० रुपैंयाँ प्रदान गरिने जनाइएको छ ।