अखबार नेपाल ट्रेन्डिङ

एजेन्सीः स्पेनिस ला लिगा फुटबलमा बार्सिलोनाले ग्रानडामाथि ४–० गोल अन्तरको सानदार जित निकालेको छ ।

बार्सिलोनाले ग्रानडालाई उसकै मैदानमा फराकिलो जित निकाल्ने क्रममा लियोनेल मेस्सी र र एन्टोइन ग्रिजमनको समान दुई गोल गरे ।

खेलको १२औं मिनेटमा एन्टोइन ग्रिजमनको गोलबाट अग्रता लिएको बार्सिलोनाको लागि दोस्रो गोल ३५औं मिनेटमा मेस्सीले गरे ।

४२औं मिनेटमा मेस्सीले व्यक्तिगत दोस्रो गोल गरेपछि टोलीले पहिलो हाफमै ३–० को अग्रता लिएको थियो ।

६३औं मिनेटमा ग्रिजमनले व्यक्तिगत दोस्रो गोल गर्दै टोलीलाई ४–० को सानदार जित दिलाए ।

जितसँगै बार्सिलोना तेस्रो स्थानमा उक्लिएको छ ।

बार्सिलोनाको ३४ अंक पुगेको छ । पराजित ग्रानडा २४ अंकसहित सातौँ स्थानमा रहेको छ ।

यसैबीच ला लिगा अन्तर्गत गएराति नै भएको अर्को खेलमा रियल मड्रिडले ओसासुनासँग गोलरहित बराबरी खेल्दै अंक बाँडेको छ ।

ओसासुनाको मैदानमा पाएको मौकालाई सदुपयोग गर्न नसक्दा रियल अंक बाड्न बाध्य भयो ।

बराबरीमा रोकिएसँगै रियलले १८ खेलमा ३७ अंक जोडेको छ ।

रियल दोस्रो स्थानमा रहेको छ ।