प्रथम सैलुङ भर्चुअल तेक्वान्दो राष्ट्रिय पुम्सेमा साग स्वर्णधारी पार्वतीलाई स्वर्ण
वि.सं.२०७७ पुस २४ शुक्रवार १६:५९
1.7K
shares
काठमाडौं: १३औं दक्षिण एसियाली खेलकुद (साग) अन्तर्गत तेक्वान्दोकी स्वर्ण विजेता पार्वती गुरुङले प्रथम सैलुङ भर्चुअल तेक्वान्दो राष्ट्रिय पुम्से प्रतियोगितामा स्वर्ण जितेकी छिन् ।
सैलुङ तेक्वान्दो डोजाङद्वारा आयोजित प्रतियोगिताको महिला १५ वर्षमा सुपर स्टार तेक्वान्दो डोजाङकी माया मल्ल ६.६६ अंक साथ प्रथम भइन् ।
सोही स्पर्धाको पुरुषमा नेप्लिज तेक्वान्दो एकेडेमी (एनटीए) का आयुश ढुंगेल प्रथम भए । उनले ६.३६ अंक प्राप्त गरे ।
सैलुङ गाउँपालिकाको मुख्य प्रायोजनमा भएको प्रतियोगिताको पुरुष १० वर्षमा एनटीएका प्रशान्त धमलाले स्वर्ण जिते । उनले ५.५३ अंक जोडे ।
पुरुष १२ वर्षमा एनटीएका भिजन तामाङ ५.८० अंक जोड्दै शीर्ष स्थानमा रहे । महिला ३१–४० वर्ष स्पर्धामा ६.३० अंक जोडेकी तृप्ति बुढाथोकी प्रथम भइन् ।
प्रतियोगिताको सैलुङ गाउँपालिकाका अध्यक्ष भरतप्रसाद दुलालले एक कार्यक्रमबीच उद्घाटन गरे ।
सो अवसरमा तेक्वान्दोका प्रमुख प्रशिक्षक नवीनकुमार श्रेष्ठलाई सम्मान गरिएको थियो । २ सय खेलाडी सहभागी दुईदिने प्रतियोगितामा विभिन्न १४ स्पर्धा समावेश छन् ।
कोरोना महामारीका कारण बन्द रहेको कुस्तीको प्रशिक्षण सुरु हुँदै
पिएसजीका प्रशिक्षक पोचेटिनो :एम्बाप्पेले सुधार गर्नुपर्छ
वि.सं.२०७७ पुस २४ शुक्रवार १६:५९




















