अखबार नेपाल ट्रेन्डिङ

काठमाडौं : जापानी प्रधानमन्त्री योशिहिदे सुगाले टोकियो ओलम्पिक २०२० र पारा ओलम्पिक तोकिएकै समयमा हुने बताएका छन् ।

कोरोनाभाइरस महामारीको संक्रमण बढिरहेको बेला पनि उनले योजना अनुसार ओलम्पिक हुने बताए ।

टोकियो ओलम्पिक २०२१ जुलाई २३ देखि सुरु हुनेछ भने पारा ओलम्पिक अगष्ट २४ मा सुरु हुनेछ ।

पछिल्ला दिनमा जापानमा कोरोना केस बढ्दो छ र टोकियोमा दैनिक एक हजार संकमित रिपोर्ट गरिएको छ ।

तर प्रधानमन्त्री योशीहिडे सुगाले भने, ‘खेलहरू यस समरमा हुनेछन् र सुरक्षित र सुरक्षित हुनेछन् ।’

प्रधानमन्त्री सुगाले शुक्रबार नयाँ वर्षको अवसरमा बोल्दै कवरोना भाइरसलाई कन्ट्रोल गर्दै समरमा ओलम्पिक गर्नका लागि जापानी सरकारले जस्तोसुकै काम गर्न तयार रहेको बताए ।

टोकियोका गभर्नर युरिको कोइकेले संक्रमणको संख्या विष्फोट हुन सक्ने चेतावनी दिएका छन् ।

डिसेम्बर ३१ मा टोकियोमा १ हजार ३३७ संक्रमित रेकर्ड गरिएको थियो र शुक्रबार ७८३ नयाँ संक्रमित थपिए।

जोन हप्किन्स युनिभर्सिटीका अनुसार यस महामारीका बेला जापानमा अहिलेसम्म २ लाख ३९ हजार ४१ कोरोनाभाइरसको केस देखिएको छ भने ३ हजार ३३७ जनाको मृत्यु भएको छ ।

कोरोनाभाइरसको फैलावटलाई रोक्नका लागि ओलम्पिकको लागत खर्च २.१ बिलियन पाउण्डले वृद्धि भएको छ तर आयोजकले यसलाई अस्वीकार गरे ।

टोकियो ओलम्पिक ओलम्पिकको इतिहासमै सबैभन्दा महंगो ग्रीष्मकालिन ओलम्पिक हुन सक्छ ।

राष्ट्रिय प्रसारक एनएचकेले गरेको एक सर्वेक्षणले देखाएको छ कि २०२१ मा खेल गर्नका लागि जापानिज सर्वसाधारण विरोध गरेका छन् । ओलम्पिक अझ ढिलाइ गर्न र इभेन्ट नै रद्द गर्न समर्थन गरेका छन् ।

प्रधानमन्त्री सुगाका अनुसार खेल अघि बढेमा यसले ‘विश्वव्यापी एकताको प्रतीक’ को रूपमा काम गर्न सक्दछ ।

यो पनि पढ्नु होस्

https://www.akhabarnepal.com/%e0%a4%86%e0%a4%b0%e0%a5%8d%e0%a4%b8%e0%a4%a8%e0%a4%be%e0%a4%b2%e0%a4%95%e0%a5%8b-%e0%a4%b8%e0%a4%be%e0%a4%a8%e0%a4%a6%e0%a4%be%e0%a4%b0-%e0%a4%9c%e0%a4%bf%e0%a4%a4-%e0%a4%b5%e0%a5%87%e0%a4%b7/