अखबार नेपाल ट्रेन्डिङ

काठमाण्डाै : म्यानचेस्टर युनाइटेडका फरवार्ड इडिन्सन काभानीलाई तीन खेलको प्रतिबन्धसहित आर्थिक जरिवाना गरिएको छ ।

युनाइटेडका फरवार्ड काभानीलाई सामाजिक सञ्जालमा आपत्तिजनक शब्द पोस्ट गरेको भन्दै तीन खेलको प्रतिबन्धसहित १ मिलियन पाउण्ड आर्थिक जरिवाना गरिएको हो ।

काभानीले अपमानजनक र अनुचित शब्द उपयोग गरेकाे आरोपमा फुटबल एसोसियनले दोषी ठहर गरेको छ ।

काभानीले गएको नोभेम्बर २९ मा साउथह्याम्टन विरुद्ध गोल गरेपछि सामाजिक सञ्जालमा एक आपत्तिजनक पोस्ट गरेका थिए ।

विवादमा आएपछि काभानीले पोस्टलाई हटाएर माफीसमेत मागेका थिए ।

प्रतिबन्ध र जरिवानापछि काभानीले शिक्षाको कार्यक्रम लिन अनिवार्य गरिएको छ ।

काभानीको प्रतिबन्ध तत्काल लागू हुने बताइएको छ । जसका कारण काभानीले नयाँ वर्षको दिनको प्रिमियर लिगमा एस्टन भिल्लाविरुद्धको खेल गुमाउनेछन् ।

यस्तै, ईपीएल कपको सेमिफाइनलमा म्यानचेस्टर सिटी र एफ ए कपको तेस्रो चरणको खेलमा वाटफोर्डविरुद्ध काभानी सहभागी हुने छैनन् ।

यो पनि पढ्नु होस्

https://www.akhabarnepal.com/%e0%a4%aa%e0%a5%8d%e0%a4%b0%e0%a4%b6%e0%a4%bf%e0%a4%95%e0%a5%8d%e0%a4%b7%e0%a4%95-%e0%a4%b2%e0%a4%be%e0%a4%ae%e0%a4%be%e0%a4%95%e0%a5%8b-%e0%a4%9a%e0%a4%be%e0%a4%b9%e0%a4%a8%e0%a4%be-%e0%a4%a8/