अखबार नेपाल ट्रेन्डिङ

एजेन्सीः प्रिमियर लिग फुटबलमा आर्सनलले चेल्सीलाई हराएको छ ।

गएराति ईमिरेट्स मैदानमा आर्सनलले चेल्सीलाई ३–१ गोल अन्तरले हराएको हो । प्रिमियर लिगको पछिल्ला ७ खेलमा जित निकाल्न नसकेको आर्सनललाई चेल्सीमाथिको जितले ठुलो राहत दिएको छ ।

पहिलो हाफमै २–० को अग्रता लिएको आर्सनलले घरेलु मैदानमा जित निकाल्ने सम्भावना देखाएको थियो ।

आर्सनलका अलेक्जेन्ड्रे लाकाजेटले पेनाल्टीमार्फत घरेलु टोलीलाई अग्रता दिलाएका थिए । बुकायो साकाले दोस्रो हाफको सुरुवातमै आर्सनललाई ३–० को अवस्थामा पुर्याए ।

खेल सकिन ५ मिनेट अघि चेल्सीका टमी अब्राहमले गोल गर्दै हारको अन्तर घटाउने प्रयास गरेका थिए ।

खेलको अन्तिम समयमा चेल्सीले पेनाल्टीको अवसर पाएको थियो । तर जोर्गिन्होको सुस्त प्रहारलाई आर्सनलका बर्न लेनोले बचाउ गरे ।

पछिल्लो हारसँगै फ्राङ्क लाम्पार्ड नेतृत्वका चेल्सीले तालिकाको दोस्रो स्थानमा उक्लिने मौका गुमाएको छ ।

आर्सनले १७ अंक जोड्दै तालिकाको १४ औं स्थानमा उक्लिएको छ ।