अखबार नेपाल ट्रेन्डिङ

काठमाडौं – जोसे मोउरिन्होको प्रशिक्षणमा रहेको टोटेनहम इंग्लिस प्रिमियर लिग अन्तर्गत शनिवार म्यानचेस्टर सिटीलाई पराजित गर्दै अंक तालिकाको शीर्षस्थानमा उक्लिएको छ ।
टोटेनहमले घरेलु मैदानमा २–० को जित दर्ता गर्न सफल रहयो । टोटनहमको जितमा ह्युङ मिन सन र जिओभानी लो सेल्सोले समान एक एक गोल गरे ।

खेल अवधिभर सिटीले बल पोसेसनमा पकड जमाउँदैै आक्रमणको प्रयास गरेपनि मोउरिन्होको रक्षात्मक राणनीतिसामु पेप ग्वार्डिओलको टोलीले गोल गर्न सकेन । पहिलो हाफमा बराबरी गोल गरेपनि भीएआरले ह्याण्ड भएको निर्णय दिएपछि गोल मान्य भएको थिएन ।

टोटेनहम सनको गोलले पाँचौ मिनेटमा अग्रता लिन सफल भएको थियो । टांगी एनडोम्बेलेको चिप पासलाई सनले अफसाईड ट्रयाप बिट गर्दै नियन्त्रणमा लिदैं आघि बढेका गोलरक्षक एडरसन मोराएसको खट्टा मुनिबाट गोल गरेका थिए । पहिलो आक्रमणमै गोल गर्न सफल टोटेनहमले त्यसपछि राक्षत्मक खेल खेलेको थियो ।

२७औं लमिनेटमा सिटीले गोल फर्काए पनि भीएआरले त्यसलाई मान्यता दिएन । एमेरिक लापोर्टले ग्याब्रिएल जेससको पासमा गोल गरेका थिए र तर भीएआरमा जेससले पास दिएको बल नियन्त्रण गर्दा हातको प्रयोग गरेको देखिएको थियो । सिटीले पहिलो हाफमा सटिक आक्रमण बुन्न सकेको थिएन ।

दोस्रो हाफमा पनि बल पोसेसन राख्दै आक्रमण बुनेको सिटीले टोटेनहमको अनुशासित डिफेन्स तोड्न सकेन । जवाफमा मोउरिन्होले खेलाडी परिवर्तन गर्दै टोटनहमको अग्रता दोब्बर पारे । ६५औं मिनेटमा मैदान प्रवेश गरेको ३० सेकेन्ड नबित्दै मिडफिल्डर लो सेल्सोले गोल गरे । उनले ह्यारी केनको पासलाई पेनाल्टी क्षेत्रभित्र लाग्दै अघि बढेका गोरक्षक एडरसनलाई बिट गर्न सफल रहे ।

यस जित सँगै टाटेनहम अंक तालिकाको शीर्ष स्थानमा पुगेको छ । ९ खेलमा ६ जित, २ बराबरी र १ हारसहित लन्डन क्लबले २० अंक जोडेको छ । पराजित म्यानचेस्टर सिटी भने ८ खेलमा १२ अंक जोड्दै दशौ स्थानमा छ ।

यो पनि पढ्नुहोस्

https://www.akhabarnepal.com/2020/11/19317/