अखबार नेपाल ट्रेन्डिङ

काठमाडौं– नेपाली राष्ट्रिय फुटबल टोली र बंगलादेशबीच भएको मैत्रीपूर्ण सिरिजको दोस्रो खेल गोलरहित बराबरीमा सकिएको छ । यससँगै दुई खेलको उपाधि बंगलादेशले जितेको छ ।
नेपालले पछिल्लो खेल भन्दा सुधारिएको प्रदर्शन गरेको नेपालले खेल अवधिभर संयमित प्रर्दशन गरेको थियो । बल पोजिसनमा जोड दिएको नेपालले केही आक्रमण बुनेपनि त्यसमा सफल हुन भने सकेन । बल पकडमा राखेपनि अन्तिम पास निकाल्न भने नेपाली मिडफिल्डलाई कठिनाई भएको थियो ।
खेलको तेस्रो मिनेटमा दर्शन गुरुङ्गको फ्रिकिक क्लियर भएर आएको तेज तामाङ्गले झण्डै ३० यार्ड टाढाबाट गरेको भली गोलरक्षक अशरफुल रानाले बचाए । त्यसपछि दुवै टोलीले आक्रमण बुन्ने प्रयास गरेपनि डिफ्रेनडरलाई तोड्न भने निकै संर्घष गर्नुपर्याे । नेपालले खेलको १९औं मिनेटमा नै खेलाडी परिर्वतन गरेको थियो । कप्तान भरतको स्थानमा नवयुग श्रेष्ठ मैदान प्रवेश गरेका थिए ।
२३औ मिनेटमा बंगलनदेशका सुमन रेजाले पेनाल्टी क्षेत्र बाहिराबाट गरेको कडा प्रहार क्रसबार भन्द थोरै माथिबाट बाहिरियो । २८औं मिनेटमा पेनाल्टी क्षेत्रभित्र साद उद्दीनले दिएको क्रसलाई अनन्त तामाङ्गले क्लियर गर्दै नेपालको खतरा टारे । ३१औं मिनेटमा जिबनको क्रसमा सुमन रेजाले प्रहार फितलो हुँदा गोलरक्षक किरण चेम्जोङले सहजै बचाए ।
३३औं मिनेटमा एरिक विष्टको प्रहारमा अनन्तको हेडले पोष्टको दिशा लिन सकेन । ३५औं मिनेटमा विश्रनाथ घोषको लामो थ्रोमा किरण झुक्किए पनि बंगलादेशले फाइद उठाउन सकेन । ३९औं मिनेटमा बंगलादेशी कप्तान जमाल भुयाँको फ्रिकिकलाई किरणले बचाए ।
दोस्रो हाफमा तेज तामाङ्गको स्थानमा मैदान प्रवेश गर्दै पुजन उपरकोटीले राष्ट्रिय टोलीमा डेब्यु गरे । ५६औं मिनेटमा नेपालले गोल गर्ने सुुर्वण अवस खेर फाल्यो । छिरिङ्ग गुरुङ्गको लो क्रसमा नवयुग र सुजल दुवैले पेनाल्टी क्षेत्रभित्र सट प्रहार गर्न सकेन्न । त्यसको दुई मिनेट पछि साद उद्दीनले बढाएको बललाई किरणले अगाडी बढेर रोक्दै खतरा टारे । लगतै अनन्तले उकृष्ट डिफेन्स गर्दै बंगलादेशको अर्काे आक्रमण विफल पारे ।
७० औं मिनेटमा विकास खवासले प्रहार गरेको लामो दुरीको फ्रिकिक आकसियो । ७१औं मिनेटमा नेपालले दुई खेलाडी परिर्वतन गर्दै सेसेहङ आम्देम्बे र रबि पासवानलाई मैदान प्रवेश गरायो । सेसेहाङ दर्शन र रबि अन्जनको स्थानमा मैदान प्रवेश गरेका थिए ।
इन्ज्युरी समयको पहिलो मिनेटमा रजिन धिमालको फ्रिकिकलाई कप्तान जमालले क्लियर गर्दै खेल बराबरीमा नै राखे । इन्ज्युरी समयको दोस्रो मिनेटमा रजिन धिमालको क्रसमा नवयुगको हेडर पोष्टमा लागेर फर्कदा नेपाल अन्तिम समयमा जित दर्ता गर्नबाट बन्चित भयो ।
यस नतिजसँगै सिरिज घरेलु टोली बंगलादेशले जितेको छ । पहिलो २–० ले जितेको बंगलादेशले एक जित एक बराबरीसँगै उपाधि घरेलु मैदानमा राख्न सफल रहयो ।