अखबार नेपाल ट्रेन्डिङ

काठमाडौं –क्यानडा कराँते संघको आयोजनामा नोभम्बर १५मा भएको अनलाईन कराँते प्रतियोगिता सातो कप इन्टरनेशनल २०२० को डिभीजन जि को ४० वर्ष माथिको पुरुष मास्टर्स ब्राउन देखि ब्लाकबेल्ट समूहमा नेपालका खेलाडी तथा प्रशिक्षक रवीन्द्र मानन्धरले नेपालका लागि स्वर्ण जितेका हुन् ।
नरहरीपुर डोजो, माच्छेगाँउका प्रमुख प्रशिक्षकसमेत रहेका मानन्धरले युबीसी सितोरि–यो सातो हा कारँते क्लबका माइक नाकात्सुलाई फाइनलमा पराजित गरेका थिए ।
नेपाल सितोरियो कारँते संघको तर्फबाट प्रतिस्पर्धा गरेका उनले २३.५२ अंक जोडेका थिए । पराजित माइकले २२.०६ अंक प्राप्त गरेका थिए ।