अखबार नेपाल ट्रेन्डिङ

काठमाडौं: १३औं संस्करणको इण्डियन प्रिमियर लिग (आईपीएल)को फाईनल खेल आज हुँदैछ ।

आज हुने आईपीएलको फाईनलमा साविकको विजेता मुम्बई ईण्डियन्सले पहिलोपटक फाईनलको यात्रा तय गरेको दिल्ली क्यापिटल्सबीच उपाधिका लागि प्रतिष्पर्धा हुनेछ ।

युएईको दुबईस्थि दुबई ईन्टरनेशनल स्टेडियममा आज हुने आईपीएलको फाईनल खेल नेपाली समयानुसार राति पौने ८ बजेबाट शुरु हुनेछ ।

रोहित शर्माको कप्तानीमा उच्च लयमा रहेको मुम्बई ईण्डियन्सलाई पाँचौ पटक उपाधि जित्ने लक्ष्यका साथ मैदानमा उत्रने छ ।

श्रेयस ऐयरको कप्तानीमा रहेको दिल्ली क्यापिटल्स आईपीएलको पहिलो उपाधि जित्ने लक्ष्यका साथ मुम्बई सामु प्रस्तुत हुनेछ ।

यी दुईबिच अहिलेसम्म कुल २७ खेल खेलिएको छ जसमा मुम्बईले १५ खेल जितेको छ भने १२ पटक दिल्लीले बाजी मारेको छ ।

जारी खेलमा यी दुईबिच लिग चरणमा भएको दुई खेलमा दुबै खेल मुम्बईले आफ्नो पक्षमा पारेको थियो ।

यसबाहेक एलिमिनेटर राउण्डमा भएको खेलमा समेत मुम्बईले नतिजा आफ्नो पक्षमा पार्न सफल भयो ।

ओपनर शिखर धवनले एलिमिनेटरका दुई खेलमा लगातार दोश्रो अर्धशतक बनाएका थिए । यस्तो गर्ने धवन आईपीएलको पहिलो ब्याट्सम्यान समेत बनेका छन् ।

दिल्लीलाई पहिलो उपाधि दिलाउनका निम्ति उसका बलरहरुले मुम्बईको उच्च लयमा देखिएका ब्याट्सम्यानहरुलाई परास्त गर्नुको अन्य कुनै पनि विकल्प छैन ।