अखबार नेपाल ट्रेन्डिङ

एजेन्सीः इंग्लिस प्रिमियर लिग फुटबलमा लिभरपुल र म्यानचेस्टर सिटीले बराबरी खेल्दै अंक बाडेका छन् ।

गएराति भएको खेलमा लिभरपुल र सिटीले १-१ गोलको बराबरी खेलेको हो ।

सिटीको मैदानमा सुरुवाती अग्रता भने लिभरपुलले बनाएको थियो ।

खेलको १३औं मिनेटमा मोहमद सलाहले पेनाल्टीमा गोल गर्दै टोलीलाई अग्रता दिलाए ।

तर, लिभरपुलले आफ्नो अग्रता धेरै बेर टिकाउन सकेन ।

खेलको ३१औं मिनेटमा ग्राबियल जिससले गोल गर्दै सिटीलाई १-१ गोलको बराबरीमा फर्काए ।

खेलको ४२औं मिनेटमा सिटीले अग्रता बनाउने मौका पाएको थियो । तर, सिटीका ब्रुएनले पेनाल्टीमा गोल गर्न सकेनन् ।

घरेलु मैदानको बराबरीसँगै सिटीले ७ खेलमा १२ अंक जोडेको छ । सिटी लिगको ११औं स्थानमा रहेको छ ।

बराबरीसँगै लिभरपुलले भने शीर्ष स्थानमा उक्लने मौका गुमाएको छ ।