अखबार नेपाल ट्रेन्डिङ

एजेन्सी: बार्सिलोनाका अध्यक्ष जोसेप मारिया बर्टोमेउले पदबाट राजीनामा दिएका छन् ।

उनी २०१४ मा क्लबको अध्यक्ष बनेका थिए । समर्थकले उनलाई राजीनामा दिन दबाब दिँदै आएका थिए ।

बर्टोमेउको लियोनल मेस्सीसँगको सम्बन्ध समधुर रहन सकेको थिएन । मेस्सीले समेत क्लब अध्यक्षको सार्वजनिक रुपमै आलोचना गर्दै आएका थिए ।

मेस्सीलाई क्लबमा खुसी राख्न असफल बनेपछि अध्यक्ष बर्टोमेउ आलोचित बन्दै आएका थिए । गत अगष्टमा मेस्सीले क्लब छाड्ने निर्णय सुनाएका थिए ।

उनी सहित क्लबका सम्पूर्ण बोर्ड सदस्यले पदबाट राजीनामा दिएका थिए ।