अखबार नेपाल ट्रेन्डिङ

एजेन्सी: राजस्थान रोयल्सले इण्डियन प्रिमियर लिग (आइपीएल) क्रिकेटमा मुम्बइ इण्डियन्सलाई पराजित गरेको छ ।

आइतबार भएको दोस्रो खेलमा राजस्थानले मुम्बइलाई सहजै पराजित गरेको हो । राजस्थनले मुम्बइलाई ८ विकेटले हरायो ।

जितसँगै राजस्थानले प्लेअफ प्रवेशको सम्भावना समेत कायमै राख्यो ।

मुम्बइले दिएको १९६ रनको लक्ष्य राजस्थानले मात्र २ विकेटको क्षतीमा १८ दशमलब २ ओभरमा भेट्टायो ।

सहज जितका लागि राजस्थानका बेन स्टोक्स र सनजु सामसनको प्रदर्शन सानदार रहयो ।

बेन स्टोक्सले शानदार शतकीय पारि खेले । उनले नटआउट १ सय ७ रन बनाए ।

६० बलमा १४ चौका र ३ छक्का हिर्काएका उनले सन्जु सामसनसँग मिलेर जितको सहज बाटो देखाए ।

टस जितेर पहिले ब्याटिङ गरेको मुम्बइले निर्धारित २० ओभरमा ५ विकेट गुमाउँदै १९५ रन बनायो ।

मुम्बइको विशाल लक्ष्यमा अलराउण्डर हार्दिक पाण्डेयाको महत्वपूर्ण भुमिका रहयो ।

उनले खेलको अन्तिमतिर ब्याटिङ गर्दै २१ बलमा ६० रन बनाए ।

७ छक्का र २ चौका प्रहार गरेका हार्दिक नटआउट रहे ।

यस्तै कुनाल पाण्डेया ३ रनमा अविजित रहे ।

मुम्बईका सुरुवाती ब्याट्सम्यान इशन किशनले ३७ रन बनाए ।

३७ बलको सामना गरेका उनले कार्तिक त्यागीको बलमा जोफ्रा आर्चरको हातबाट क्याचआउट हुनु अघि ४ चौका र १ छक्का हिर्काए ।

ओपनर क्विनटन डिककलाई ६ रन बनाएको अवस्थामा जोफ्रा अर्चरले बोल्ड गरे ।

सुर्य कुमार यादब २६ बलमा ४ चौका र १ छक्काको मद्तमा ४० रन बनाउँदा श्रेयर गोपालको बलमा बेन स्टोक्सको हातबाट क्याचआउट भए ।

शौरभ तिवारी २५ बलमा ३४ रन बनाउँदै पेविलियन फर्किए ।

उनले चार चौका र १ छक्का हिर्काउँदा जोफ्रा आर्चरको बलमा बेन स्टोक्सको हातबाट क्याच आउट भए ।

कायरन पोलार्ड ६ रन बनाउँदा श्रेयस गोपालको बलमा बोल्ड भए ।

जितसंगै राजस्थानले अंक तालिकामा १० अंक बनाएको छ ।

राजस्थानले समुह चरणका दुइ खेल बाँकी रहँदा प्लेअफ प्रवेशको सम्भावना समेत कायमै राखेको छ ।

मुम्बइले भने खेल जित्दै प्लेअफ पक्का गर्ने बाटो अर्को खेल सम्मका लागि थाती राखेको छ ।