अखबार नेपाल ट्रेन्डिङ

एजेन्सीः स्पेनिस ला लिगा फुटबलमा रियल मड्रिडले बार्सिलोनालाई पराजित गरेको छ ।

सिजनको पहिलो एल क्लासिकोमा रियल विजयी भएको हो ।

सिजनको पहिलो एल क्लासिकोमा रियलले ३–१ को जित निकाल्यो ।

रियलको जितमा फेडेरिको भालभर्दे, सर्जियो रामोस र लुका मोड्रिचले गोल गरे । बार्सिलोनाका अंसु फातीले १ गोल फर्काए ।

बार्सिलोनाको घरेलु मैदान क्याम्प नाउमा पाचौं मिनेटमा भालभर्देले गोल गर्दै रियललाई अग्रता दिलाए ।

८औं मिनेटमा फातीले बराबरी गोल फर्काए । तर रियलले त्यसपछि थप दुई गोल गर्यो ।

६३औं मिनेटमा कप्तान रामोसले पेनाल्टीमा गोल गर्दै टिमको अग्रता २–१ को अन्तरमा ल्याए ।

मोड्रिचले ९० औ मिनेटमा गोल गर्दै सिजनको पहिलो एल क्लासिकोमा जित सुनिश्चित गरे ।

जितसँगै रियल तालिकाको शीर्ष स्थानमा उक्लिएको छ । रियलले ६ खेलमा १३ अंक जोडेको छ ।