अखबार नेपाल ट्रेन्डिङ

एजेन्सीः प्रिमियर लिग फुटबलमा वेस्ट ह्याम युनाइटेड र टोटनहमले बराबरी खेल्दै अंक बाँडेका छन् ।

खेलमा वेस्ट ह्याम ३–० ले पछि परेको अवस्थाको अन्तिम १० मिनेटमा टोटनहमलाई बराबरीमा रोक्न सफल भएको हो ।

घरेलु मैदानमा टोटनहमले पहिलो हाफमा ३–० को अग्रता बनायो ।

टोटनहमका लागि ह्यारी केनले दुई गोल गरे । यस्तै सन ह्युङ मिनले एक गोल थपे ।

खेलको पहिलो मिनेटमा नै सनको गोलबाट घरेलु टोलीले अग्रता बनाएको थियो ।

यस्तै आठौं मिनेटमा र १६ औं मिनेटमा केनले गोल गर्दै टोटनहमलाई फराकिलो अग्रता दिलाएका थिए, तर दोस्रो हाफमा वेस्ट ह्यामका फाबियन बालबुएना मानुएल लानजिनीले एक एक गोल फर्काउँदा घरेलु टोली निराश बन्यो ।

टोटनहमले गएरातिको खेलमा ग्यारेथ बेललाई ७२औं मिनेटमा डेब्यु गराएको थियो ।

बराबरीसँगै टोटनहमले ५ खेलमा ८ अंक जोडेको छ । वेस्ट ह्यामले भने ५ खेलमा ७ अंक जोडेको छ ।