अखबार नेपाल ट्रेन्डिङ

एजेन्सीः स्पेनिस ला लिगा फुटबलमा साविक विजेता रियल मड्रिड पराजित भएको छ ।

गए राति भएको खेलमा रियल नव प्रवेशी क्लब क्याडिजसँग पराजित भएको हो ।

रियलको घरेलु मैदानमा क्याडिजले १–० को नतिजा निकाल्यो । क्याडिजको जितमा एन्थोनी लोजानोले खेलको १६ औं मिनेटमा गोल गरे ।

खेलमा क्याडिजले निकै सशक्त प्रदर्शन गरेको थियो । हारसँगै रियल तालिमामा १० अंकमै रोकिएको छ । शीर्ष स्थानको रियलले ५ खेलमा ३ जित, १ बराबरी र १ हारको सामना गरेको छ ।

जितसँगै क्याडिज भने तालिकाको तेस्रो स्थानमा उक्लिएको छ । क्याडिजले ६ खेलमा १० अंक जोडेको छ ।