अखबार नेपाल ट्रेन्डिङ

एजेन्सीः स्पेनिस ला लिगा फुटबलमा रियल मड्रिडले संघर्षपूर्ण जित निकालेको छ ।

दश खेलाडीमा सिमित बनेको रियाल बेटिसमाथि रियाल मड्रिडले ३–२ गोल अन्तरको जित दर्ता गरेको हो । रियलको नयाँ सिजनको लालिगामा पहिलो जित समेत हो ।

रियलको जितमा फेडेरिको भाल्भर्डे र कप्तान सर्जियो रामोसले एक एक गोल गरे भने एउटा गोल आत्मघाती गोलको उपहार पाएको हो । पराजित घरेलु टोली बेटिसका निम्ति आईसा मान्डि र विलियम कार्भाल्होले एक एक गोल गरेका थिए ।

जितसँगै रियल मड्रिडले २ खेलबाट तालिकामा ३ अंक जोडेको छ । बार्सिलोनाले आईतबार राति भिल्ला रियलसँग खेल्दै नयाँ सिजनको सुरुवात गर्दैछ ।

शनिबार राति नै भएका अन्य खेलमा रियल सोसिडाडले इल्चेमाथि ३–० को जित दर्ता गर्यो । गेटाफेले आल्भेससंग र भ्यालेन्सियाले ह्युस्कासंग बराबरी खेल्दै अंक बाँडे ।