अखबार नेपाल ट्रेन्डिङ

एजेन्सीः फ्रान्सले नेसन्स लिग फुटबलमा लगातार दोस्रो जित निकालेको छ ।

आज बिहान भएको खेलमा विश्वविजेता फ्रान्सले क्रोएसियालाई ४–२ गोल अन्तरको फराकिलो जित निकालेको हो ।

घरेलु टोली फ्रान्सको जितमा एन्टोनी ग्रिजम्यान, डायोट उपमेकानो र ओलिभर जिराउडले गोल गरे ।

एक गोल भने फ्रान्सले उपहार स्वरुप पाएको थियो ।

क्रोसियाका लागि भने डिजन लोभरेन र जोसिप ब्रेकालोले एक-एक गोल फर्काए ।

खेलको १६औं मिनेटमा डिजनले गोल गर्दै क्रोसियालाई १-० गोलको अग्रता दिलाए । तर खेलको ४३औं मिनेटमा ग्रिजम्यानले गोल गर्दै फ्रान्सलाई १–१ गोलको बराबरीमा ल्याए ।

पहिलो हाफकै अन्तिम समयमा क्रोसियाले फ्रान्सलाई आत्मघाती गोल उपहार दियो ।

डोमिनिक लिभाकोभिचले बचाउने क्रममा आफ्नै पोष्टमा गोल गर्न पुगेपछि फ्रान्सले पहिलो हाफसम्म २–१ गोलको अग्रता लियो ।

खेलको ५५औं मिोटमा जोसिपले गोल गर्दै क्रोसियलाई २–२ गोलको बराबरीमा ल्याए ।

खेलको ६५औं मिनेटमा डायोटले गोल गर्दा फ्रान्सले ३–२ गोलको अग्रता लियो । ७७औं मिनेटमा जिराउडले पेनाल्टीबाट गोल गर्दा फ्रान्सले ४–२ गोलको जित सुनिश्चित गर्योग ।