अखबार नेपाल ट्रेन्डिङ

एजेन्सीः बेल्जियमले नेसन्स लिग फुटबलमा आइसल्यान्डमाथि शानदार जित निकालेको छ ।

घरेलु टोली बेल्जियमले आइसल्यान्डलाई ५–१ गोल अन्तरले पराजित गर्न सफल भयो ।

बेल्जियमको जितमा मिसी बाटसुयीले २ गोल गर्दा एक्सल विटसल, ड्रिस मेर्टेन्स जेरेमी डोकुले समान १–१ गोल गरे ।

आइसल्यान्डका लागि होलम्बर्ट फ्रिजोन्सनले एक गोल फर्काए ।

खेलको १०औं मिनेटमा नै होलम्बर्टले गोल गर्दै आइसल्यान्डलाई अग्रता दिलाएका थिए ।

तर खेलको तीन मिनेटमा नै विटसलले गोल गर्दै बेल्जियमलाई बराबरी दिलाए ।

खेलको १७औं मिनेटमा बाटसुयीले गोल गर्दै पहिलो हाफसम्म बेल्जियम २–१ गोलअन्तरले अघि रह्यो । खेलको ५०औं मिनेटमा मेर्टेन्सको गोल गोल गर्दा ६९औं मिनेटमा बाटसुयीले अर्को गोल थप्दै बेल्जियमलाई ४–१ गोलको अग्रता दिलाए ।

खेलको ७९औं मिनेटमा जेरेमीले गोल गर्दै बेल्जियमलाई ५–१ गोलको फराकिलो जित दिलाए ।

बेल्जियमको यो लगातार दोस्रो जित हो । यसअघि भएको खेलमा बेल्जियमले डेनमार्कलाई २–० गोलअन्तरले पराजित गरेको थियो ।

लिग–ए कै समूह ‘बी’ मा भएको अर्को खेलमा इंग्ल्यान्डले डेनमार्कसँग गोलरहित बराबरी खेल्दै अंक बाँढेको छ ।