लियोनेल मेस्सीले बार्सिलोना छाड्न चाहेको खुलासा
वि.सं.२०७७ भदौ १० बुधवार ०९:३७
एजेन्सी: अर्जेन्टिनाका स्टार स्ट्राईकर लियोनेल मेस्सीले बार्सिलोना छाड्न चाहेको बताएका छन् ।
च्याम्पियन्स लिगको क्वार्टरफाईनलमा बायर्न म्युनिखसँग ८-२ गोल अन्तरले पराजित भएपछि मेस्सीले क्लब छाड्ने मनसाय बनाएका थिए ।
स्पेनिस पत्रिका मार्काका अनुसार मेस्सीले बार्सिलोनाका पदाधिकारीसँग भेट गरि आफु क्लब छाड्न ईच्छुक रहेको बताएका छन् ।
बार्सिलोनासँग ३३ बर्षिया मेस्सीको सम्झौता एक बर्ष मात्र बाँकी छ । तर मेस्सीले एक बर्ष बाँकी छँदै क्लब छाड्न चाहेको प्रष्ट पारेका छन् ।
मेस्सीको पछिल्लो अवस्थाबारे म्यान्चेष्टर सिटीले अनुगमन गरिरहेको छ ।
सिरि ए क्लब ईन्टर मिलान र फ्रान्सेली क्लब पीएसजी समेत मेस्सी अनुबन्धनमा निकै ईच्छुक रहेको बताएको छ ।
मेस्सीले क्लबका पदाधिकारीलाई भेटेर आफ्नो २० बर्षको बार्सिलोनाको करियरलाई अन्त्य गर्ने चाहना राखेका हुन् ।
वि.सं.२०७७ भदौ १० बुधवार ०९:३७