अखबार नेपाल ट्रेन्डिङ

काठमाडौं: राष्ट्रिय खेलकुद परिषदको “१३औँ साग ब्याडमिन्टन खेल सामग्री खरिद वितरणमा अनियमितता तथा अनियमित रुख कटान सम्बन्धि छानबिन उपसमिति”को पहिलो जुम बैठक सम्पन्न भएको छ ।

परिषद्का सदस्य गोविन्द प्रसाद भट्टराईको संयोजकत्वमा गठित ५ सदस्यीय उक्त बैठकबाट परिषदबाट प्राप्त कार्यदेश बमोजिम बसेको उपसमितिको बैठकबाट छानबिन कार्यको TOR निर्माण, छानबिन कार्यलाई विभिन्न चरणहरुमा बाँढेर अगाडि बढाईने र सदस्यहरुलाई जिम्मेवारी बाँडफाँड गर्ने निर्णय गरेको छ ।

साथै, सरोकारवालाले उल्लेखित छानबिन सम्बन्धि कुनै गुनासो, सुझाव, निवेदन लगायत प्रमाण कागजात पेश गर्न सात दिन (यहि भदौ १२ गते सम्म) को समय दिने समेत निर्णय गरेको छ ।