अखबार नेपाल ट्रेन्डिङ

काठमाडौं: नेपाली राष्ट्रिय टोलीका लेग स्पिनर सन्दीप लामिछाने रहेको दिल्ली क्यापिटल्सले १२औं संस्करणको इण्डियन प्रिमियर लिग (आईपीएल) क्रिकेटमा विजयी सुरुवात गरेको छ ।

हिजो भएको खेलमा मुम्बई इन्डियनलाई ३७ रनले पराजित गर्दै दिल्लीले विजयी सुरुआत गरेको हो । वान्खडे क्रिकेट स्टेडियममा दिल्लीले दिएको २ सय १४ रनको लक्ष्यसहित जवाफी ब्याटिङ गरेको मुम्बई १९ ओभर २ बलमा अलआउट हुँदै १७६ रनमा समेटियो । मुम्बईका लागि युवराज सिंहले ५३ रनको अर्धशतकीय इनिङ्स खेलेपनि टोलीलाई जित दिलाउन सकेनन ।

यस्तै हार्दिक पाण्डयाले ३२ रन जोड्दा क्विन टन डी ककले २७ रन जोडे । दिल्लीका इशान शर्मा र कागीसो राबडाले २/२ विकेट लिए । यसअघि टस हारेर पहिले ब्याटिङ गरेकोदिल्लीले पुरै २० ओभरमा ६ विकेट गुमाएर २१३ रन बनाएको थियो । मुम्बईसंगको खेलमा सन्दीप भने दिल्लीको टोलीमा पर्न सकेनन् । दिल्लीका लागि ऋषब पन्तले अविजित रहदै ७८ रनको अर्धशतकीय इनिङ्स खेले । यस्तै कोलिन इन्ग्रामले ४७ रन जोड्दा शिखर धवनले ४३ रन जोडे । मुम्बईका मिचेल म्याकक्लेनघनले ३ विकेट लिए । जितसंगै दिल्लीले २ अंकबाट सिजनको सुरुवात गरेको छ । मुम्बई भने घरेलु मैदानमै पराजित भएको छ ।

आइपिएल अन्तर्गत पहिलो खेलमा कोलकता नाइटराइडर्स विजयी भएको छ । सनराइजर्स हैदराबादलार्इ ६ विकेटले हराउँदै कोलकता विजयी भएको हो । हैदराबादले दिएको १ सय ८२ रनको लक्ष्य पछ्याएको कोलकताले २ बल बाकीँ रहँदा भेटएको हो । कोलकताको जितमा नितिश रानाले ६८ रन बनाए भने यान्ड्री रसल म्याचविनिङ नटआउट रहँदै ४९ रन जोडे । हैदराबादका डेभिड वार्नरले ८५ रन बनाए भने विजय संकरले ४० रन जोडे ।