अखबार नेपाल ट्रेन्डिङ

एजेन्सीः फ्रेन्च कपको उपाधि पेरिस सेन्ट जर्मेन (पीएसजी)ले जितेको छ ।

शुक्रबार राति भएको खेलमा इटियेनमाथि १–० को जित निकाल्दै पीएसजीले फ्रेन्च कपको उपाधि जितेको हो ।

खेलको १४ औं मिनेटमा पीएसजीको जितमा नेयमारले विजयी गोल गरे ।

३१ औं मिनेटमा लोईन पेरिन रातो कार्ड खादै मैदान बाहिरिएपछि इटियेन १० खेलाडीमा सिमित बनेको थियो ।

केलियन एम्बाप्पेमाथि गरिएको खराब ट्याकलका कारण उनलाई रातो कार्ड देखाईएको थियो ।

८१ हजार दर्शक क्षमताको स्टेड डी फ्रान्स रंगशालामा ५ हजार दर्शकलाई प्रवेश अनुमती दिईएको थियो ।

कोरोनाले फुटबल सिजन स्थगित भएपछि चार महिनापछि पहिलो पटक औपचारिक रुपमा फ्रान्सेली फुटबल सुरु भएको हो ।