अखबार नेपाल ट्रेन्डिङ

एजेन्सीः नापोली कोपा ईटालियाको फाईनलमा प्रवेश गरेको छ । नापोलीको घरेलु मैदान सान पाओलोमा भएको दोश्रो सेमिफाईनलको दोश्रो लेगमा ईन्टर मिलानसँग १–१ गोलको बराबरी गर्दै समग्रमा २–१ को नतिजा सहित फाईनलमा स्थान पक्का गरेको हो । यसअघि भएको पहिलो लेगमा नापोलीले ईन्टरलाई १–० ले हराएको थियो ।

ईन्टर मिलानले खेलको शुरुवाती दोश्रो मिनटमा गोल गर्दै अग्रता बनाएको थियो । ईनटरका लागि एरिक्सेनले गरेको गोलको अग्रता बचाउन नसक्दा ईन्टरले फाइनलको यात्रा गुमाएको हो । खेलको ४१औं मिनटमा मार्टिनस्ले गोल गर्दै नापोलीका लागि फाईनल पुर्याउने निर्णायक गोल गरे ।

यो गोल मार्टिनस्का लागि महत्वपूर्ण समेत रह्यो किनभने यो गोल नापोलीका लागि कुनै खेलाडीले गरेको सबैभन्दा बढी संख्याको गोल थियो । मार्टिन्स्ले नापोलीका लागि १२२औं गोल गरेका हुन् । यसअघि नापोलीका लागि स्लोभाकियाका मेक हाम्सिकले १२१ गोल गरेका थिए ।

अब नापोलीलले फाईनलमा जुन १७ अर्थात बुधबार रोमको स्टाडियो ओलिम्पिकोमा युभेन्टस्को सामना गर्नेछ । युभेन्टस् एसी मिलानलाई हराउँदै फाईनल प्रवेश गरेको हो ।