अखबार नेपाल ट्रेन्डिङ

एजेन्सीः ब्रुग बेल्जियमको शिर्ष डिभिजन च्याम्पियन बनेको छ । कोरोना भाइरसको महामारीका कारण रद्द भएको लिगको उपाधि शिर्ष स्थानको ब्रुगले हात पारेको हो । शुक्रबार राती ब्रुगलाई बिजेता घोषणा गरिएको थियो । गत महिना बेल्जियम फुटबल संघ र लिगको आधिकारीक कमिटिले लिग रद्द गर्ने निर्णय गरेको थियो । उक्त निर्णयले शुक्रबार मान्यता पायो भने ब्रुगलाई उपाधि बिजेताको घोषणा गरियो ।

क्लब ब्रुगको लिगमा ७० अंक थियो । लिग स्थगित हुनु अघि दोस्रो स्थानको जेन्ट भन्दा १५ अंकले ब्रुग अगाडी थियो । जेन्टको ५५ अंक थियो । ब्रुगले प्रो लिगको उपाधि जितेको यो १७औं पटक हो । लिग बिजेता क्लब च्यायाम्पियन्स लिगका लागि छनोट भएको छ भने जेन्टले प्लेअफ खेल्ने छ । चार्लेरोए, रोएल र स्टानडडले युरोपा लिगमा स्थान बनाएका छन् । यस्तै प्रो लिगमा वासलान्ड बेभेरेन रेलिगेसनमा परेको छ ।