अखबार नेपाल ट्रेन्डिङ

एजेन्सीः ईटालियन सिरि ए फुटबल जुनको दोस्रो साता पुनः सुरु गर्ने तयारी गरेको छ । सरकारले अनुमति दिएको खण्डमा सिरि ए जुनको १३ गतेबाट सुरु गर्ने तयारी गरिएको हो । भिडियो कन्फ्रेन्स मार्फत लिगको साधारण सभाले सरकारी निर्णय र मेडिकल प्रोटोकलका आधारमा लिग पुन सुरु हुने मितिलाई अनुमति प्रदान गरेको हो ।

शीर्ष डिभिजनका क्लबहरु मेको सुरुवातबाट अभ्यासमा रहेका छन् । खेलाडीहरु ब्यक्तिगत रुपमा अभ्यास गरिरहेका छन् । सिरि ए फुटबल मार्च ९ बाट अनिश्चित समयका लागि स्थगित गरिएको थियो । लिगका १२ चरणका खेलहरु अझै बाँकी रहेका छन् ।