अखबार नेपाल ट्रेन्डिङ

फ्रेन्च क्लब लियोनलाई दोस्रो लेगमा ५-१ गोल अन्तरले पराजित गर्दै स्पानिस क्लब बार्सिलोना युरोपियन च्याम्पियन्स लिगको क्वाटरफाइनलमा प्रवेश गरेको छ । लियोनको मैदानमा भएको पहिलो लेग गोलरहित बराबरीमा सकिएपछि क्याम्प नोउमा भएको खेलमा बार्सिलोनाले शानदार जित हात पारेको हो ।

जितमा मेसीको दुई गोल गरे भने दुई असिस्ट समेत गरे । १८औँ मिनेटमा मेसीले गोल गर्दै बार्सिलोनालाई अग्रता दिलाए । ३१औँ मिनेटमा फिलिप काउटिन्होले गोल गर्दै अग्रता दोब्बर पारे । ५८औँ मिनेटमा लियोनका लुसका टसार्टले गोल गर्दे गोल अन्तर कम पारेका थिए । तर अन्तिम १२ मिनट भित्र बार्सिलोनाले ३ गोल थप्यो । मेसीले ७८औँ मिनेटमा व्यक्तिगत दोस्रो गोल गरे । ८१औँ मिनेटमा जेरार्ड पिके र ८६औँ मिनेटमा उसमान डेम्बेलेले गोल गर्दै बार्सिलोनाको जित पक्का गरे ।

दुवै गोलका लागि मेसीले असिस्ट गरेका थिए । घरेलु मैदानमा खेलिएको च्याम्पियन्स लिग खेलमा बार्सिलोनाले अपराजित यात्रालाई ३० खेलसम्म पुर्‍यएको छ। लियोन विरुद्ध जितपछि बार्सिलोनाले २७ खेल जितेको छ भने ३ खेल बराबरी खेलेको छ ।