अखबार नेपाल ट्रेन्डिङ

एजेन्सीः प्रिमियर लिग क्लब लिभरपुलले प्रशिक्षण थालेको छ । कोरोना भाइरसको महामारीसँगै रोकिएको लिग फेरि सुरु हुने तरखरमा रहँदा लिग लिडरले प्रशिक्षण थालेको हो । लिभरपुलले शुक्रबारबाट समाजिक दुरी कायम राखेर खेलाडीहरुको व्यक्तिगत प्रशिक्षणमा ध्यान दिन थालेको उल्लेख गरेको छ ।

एक साता अघि लिभरपुलले आफ्ना खेलाडीको कोरोना परिक्षण गरेको र सबैमा नेगेटिभ नतिजा आएपछि प्रशिक्षणका लागि फर्किएको क्लबले उल्लेख गरेको हो । लिभरपुलको अभ्यासमा अहिले आधा मात्र खेलाडी उपलव्ध छन् । कोरोनाको महामारीका कारण आधा खेलाडी भने विदेशमा छन् । लिभरपुलले उनीहरुलाई पनि निम्ता पठाईसकेको छ ।

प्रिमियर लिगमा यो सिजन मात्र १ खेलमा पराजित भएको लिभरपुल लातिकाको शिर्ष स्थानमा छ । दोस्रो स्थानको म्यान्चेस्टर सिटी भन्दा २५ अंकले अघि रहेको लिभरपुल उपाधिबाट मात्र ३ जित टाढा छ । २९ खेल खेलेको लिभरपुलको ८२ अंक छ भने दोस्रो स्थानको सिटीको २८ खेल बाट ५७ अंक छ ।