अखबार नेपाल ट्रेन्डिङ

एजेन्सीः इटलियन गोलकिपर गिआनलुइजी डोनारुम्माले फ्रेन्च लिग वानमा रिम्सविरुद्धको खेलमा पीएसजीबाट डेब्यु गर्ने बताइएको छ ।

पेरिस सेन्ट जर्मन (पीएसजी) को टिममा नियमित खेल्नका लागि दुई गोलकिपर केलर नाभास र गिआनलुइजी डोनारुम्मा बिच प्रतिस्पर्धा हुने देखिएको छ ।

विश्व फुटबलमा नाभास धेरै पहिले उत्कृष्ट गोलकिपरको रुपमा स्थापित भैसकेका छन् ।

उनी केही सिजन अघि स्पेनिश क्लब रियल मड्रिडबाट फ्रेन्च क्लबमा आवद्ध भएका हुन् ।

डोनारुम्माको चार्चा भने इटलीले युरोकपको उपाधि जितेसँगै चुलिएको हो ।

उनले इटलीलाई युरोकपको उपाधि दिलाउन महत्वपुर्ण भुमिका निभाएका थिए ।

यसैको उकृष्ट प्रर्दशनले २०१८को विश्वकपमा क्वालिफाईन हुन नुकेको ईटलीले उपाधि जितेको थियो ।

युरोकप पछिको प्रदर्शनबाट प्रभावित भएर पिएसजीले उनलाई फ्रि ट्रान्सफर मार्फत अनुबन्ध गरेको हो ।

यस सिजन पिएसजीका लागि नाभासले शुरुवाती तिन खेलिसक्दा डोनारुम्माले भने टिमका लागि डेब्यु गरेका छैनन् ।

टिमको नियमित सदस्य बन्ने लक्ष्यमा आफु रहेको बताउँदै डोनारुम्माले नाभाससँग प्रतिश्पर्धाका लागि तयार रहेको बताएका छन् ।

‘पीएसजीले मलाई चाहेको हो र म सँग सम्पर्क गरेको हो,म प्रतिस्पर्धा देखि डराउँदिन’

‘नाभास राम्रो गोलकिपर हुन् तर म यहाँ खेल्नका लागि आएको हुँ र प्रतिश्पर्धा हामी दुबैको लागि राम्रो हुनेछ ।

प्रतिश्पर्धाले मलाई उत्कृष्ट प्रदर्शन गर्न झन मद्धत गर्नेछ’ डोनारुम्माले भनेका छन् ।

डोनारुम्माले रिम्सविरुद्धको खेलमा पीएसजीका लागि डेब्यु गर्ने बताइएको छ ।

यो पनि पढ्नु होस्ः फिफाले अफगान महिला फुटबल टाेलीलाई आपतकालीन उद्धारको आग्रह