अखबार नेपाल ट्रेन्डिङ

काठमाडौं: नेकपा एमालेका अध्यक्ष केपी शर्मा ओलीले माधवकुमार नेपालले नयाँ पार्टी दर्ता गर्ने निर्णय फिर्ता गरे अहिलेसम्मका सबै कारबाही फिर्ता हुने बताएका छन् ।

एमालेको कार्यदलमा सहभागी सदस्यहरुसँग निजी निवास बालकोटमा भएको छलफलपछि अध्यक्ष ओलीले आफू नेपालसँग मिलेर जान तयार रहेको बताएका हुन् ।

ओलीले कार्यदलका नेताहरुसँग भने- ‘कारबाहीका कुरा प्राविधिक मात्रै हुन्, मुख्य कुरा मिल्ने भन्ने हो’, ‘माधव नेपालले नयाँ पार्टीबाट फिर्ता गर्ने निर्णयले अहिलेसम्मका सबै कारबाही फिर्ता हुनेछन् । पार्टी पनि केन्द्रदेखि तलसम्म २०७५ जेठ २ को अवस्थामा क्रियाशील हुनेछ ।’

‘हाम्रा पार्टी अध्यक्ष कमरेड १० बुँदे सहमति कार्यान्वयन गर्न तयार हुनुभएको छ । देशभरका एमाले कार्यकर्ता सबैलाई कोही पनि विभाजनको पक्षमा नजाऊँ भन्ने कुरामा हामी सहमत भएका छौँ’, बैठकमा सहभागी नेता योगेश भट्टराईले भने, ‘अध्यक्ष कमरेड र हामीबीच पुराना जिम्मेवारी कामय हुने गरी सहमति भएको छ । पार्टीमा कसैमाथि पक्षपात हुँदैन । अन्याय हुँदैन भन्ने सुनिश्चितता पार्टीले गर्छ । उत्तेजना र आवेशमा नआउन सबैलाई आग्रह गरेका छौँ ।’