अखबार नेपाल ट्रेन्डिङ

एजेन्सी: फुटबलको सर्वोच्च निकाय फिफाले अफगान महिला फुटबल टोलीका सदस्यहरूलाई आपतकालीन उद्धार गर्नुपर्ने बताएको छ ।

फिफाले अफगान टोलीका सदस्यहरूलाई उद्धारका लागि केही राष्ट्रलाई आग्रह गर्दै पत्राचार समेत गरेको छ ।

तालिबान समूहले राजधानी शहर काबुल नियन्त्रणमा लिएपछि फुटबल टोलीका सदस्य भयवित त्रसित छन् ।

खेलाडीको सङ्गठन फिफा प्रोले समेत खेलाडी उद्धारमा सहयोगका लागि अपिल गरेको छ ।

अफगानिस्तानको राष्ट्रिय महिला टोलीका पूर्व–कप्तान खालिदा पोपलले खेलकुद निकायलाई खेलाडीको सुरक्षामा पनि ध्यान दिन आग्रह गरेकी थिइन् ।

तालिबानको शासनमा अफगानिस्तानमा छुट्न पुगेकाले कठिन समस्याको सामना गर्नु पर्ने उनले बताएकी छन् ।

तालिबानले नियन्त्रणमा लिएदेखि अधिकांश खेलाडी लुकेर बस्नुपरेको जनाइएको छ ।

यो पनि पढ्नु होस्ः एएसबीसी च्याम्पियनसिपको सेमिफाइनलमा छिरिङ