अखबार नेपाल ट्रेन्डिङ

काठमाडौं:  न्यादी हाइड्रोपावरले १८ लाख कित्ता शेयर निष्काशन गर्न लागेको छ  । न्यादी हाइड्रोपावरले आज भदौ १ गतेदेखि आईपिओ निष्काशन बिक्रि खुला गरेको हो ।

कम्पनीले लमजुङका आयोजना प्रभावित स्थानीय र संस्थापक शेयरधनीका कर्माचारीलाई गरि १८ लाख कित्ता शेयर निष्काशन गर्न लागेको हो  ।

अति प्रभावित क्षेत्र तोकिएको मर्स्याङ्दी गाउपालिका वडा नम्बर ३ (साविक खुदी गाविस वडा नम्बर १,२, ३, र ६), मर्स्याङ्दी गाउपालिका वडा नम्बर ६,७ र ८ (साविक बाहुनडाँडा गाविस र भुलभुले गाविसका सम्पूर्ण वडाहरु) का स्थानीयलाई ५ लाख कित्ता शेयर निष्काशन हुनेछ  ।

त्यस्तै यी बाहेक जिल्लाका अन्य स्थानीयलाई १० कित्ता शेयर निष्काशन हुने छ  ।  साथै कम्पनीको संस्थापक शेयरधनी बुटवल पावर कम्पनी र लमजुङ विद्युत विकास कम्पनीका कर्मचारीलाई ३ लाख कित्ता शेयर छुट्याईएको छ  ।

यस निष्काशनमा न्युनतम १० कित्ता र अधिकतम ५० हजार कित्ता शेयरको लागि आवेदन दिन सकिने छ  ।  आवेदन दिनको लागि छिटोमा भदौ १५ गतेसम्मको मिति तय भएको छ  । सो अवधिसम्म पर्याप्त आवेदन नपरेमा भदौ ३० गतेसम्म आवेदन दिन सकिने छ  ।

शेयर निष्काशनको लागि कम्पनीले ग्लोबल आईएमई क्यापिटललाई बिक्रि प्रबन्धक चयन गरेको छ । न्यादीले मङ्सिर १० गते शेयर निष्काशनको अनुमति माग गर्दै नेपाल धितोपत्र बोर्डमा आवेदन दिएकोमा बोर्डले साउन ११ गते अनुमति दिएको हो ।

कम्पनीले आयोजना प्रभाववित स्थानीय र सर्बसाधारणको लागि ४० करोड ५० लाख बराबरको ४० लाख ५० हजार कित्ता शेयर निष्काशनको लागि अनुमति पाएको हो ।जस मध्ये  २२ लाख ५० हजार कित्ता सर्वसाधारणलाई छुट्याईएको छ ।

सर्वसाधारणलाई छुट्याईएको २२ लाख ५० हजार मध्ये १ लाख १२ हजार ५ सय कित्ता सामुहिक लगानी कोष र ४५ हजार कित्ता कम्पनीका कर्मचारीलाई छुट्टाएको छ। हाल कम्पनीको जारी पुँजी डेढ अर्ब रहेको छ । कम्पनीले नागरिक लगानी कोषलाई शेयर प्रत्याभूतिकर्ताको रुपमा नियुक्त गरिसकेको छ ।

यो पनी पढ्नुहोस् :

समृद्धि फाइनान्स कम्पनी लिमिटेड र फेवा बजारबीच सम्झौता