अखबार नेपाल ट्रेन्डिङ

काठमाडौ:  तेह्रथुम पावर कम्पनी लिमीटेडले आइपीओ निश्कासन गर्ने भएको छ । तेह्रथुम पावर कम्पनीले आगामी भदौ ९ गतेदेखि रु. ८ करोड बराबरको आइपीओ निश्कासन गर्ने भएको हो ।

तेह्रथुम पावर कम्पनी लिमीटेडले भदौ ९ गतेदेखि खुल्ने आइपीओमा भदौ १३ गते सम्म आवेदन दिन सकिनेछ । कम्पनीले १०० रुपैयाँ अंकित दरका ८ लाख कित्ता आइपीओ निश्कासन गर्ने भएको हो । यो अवधि सम्ममा पनि सबै कित्ता बिक्री नभए ढिलोमा भदौ २३ गतेसम्म आवेदन दिने समय लम्बिन सक्नेछ ।

तेह्रथुम पावर कम्पनी लिमीटेडले निश्कासन गर्ने कुल ८ लाख कित्तामध्ये १६ हजार कित्ता कम्पनीका कर्मचारीका लागि र ४० हजार कित्ता सेयर म्युचुअल फण्डहरुका लागि छुट्याइएको छ । बाँकी ७ लाख ४४ हजार कित्ता सर्वसाधारणलाई बाँडफाँड गरिने कम्पनीले जनाएको छ ।

तेह्रथुम पावर कम्पनीले निश्कासन गर्ने आइपीओमा इच्छुक लगानीकर्ताले न्यूनतम १० देखि अधिकतम ६० हजार कित्ता सम्मका लागि आवेदन दिन सक्नेछन् । एनआइबिएल एस क्यापिटल लिमीटेडले आइपीओ निश्कासनमा बिक्री प्रबन्धकको काम गर्नेछ ।

तेह्रथुम पावर कम्पनीले यस अघि आयोजना प्रभावितका लागि ४ लाख कित्ता सेयर बिक्री गरिसकेको छ । यो कम्पनीले ७.५ मेगावाटको माथिल्लो खोरुङ्गा साना जलविद्युत आयोजना निर्माण गरिरहेको छ। इक्रा नेपालले यो कम्पनीको आइपीओलाई ग्रेड फोर प्लसको रेटिङ दिएको छ ।

यो पनी पढ्नुहोस् :

लक्ष्मी बैंकले आफ्नो १३४ औँ शाखा सञ्चालनमा ल्यायो