अखबार नेपाल ट्रेन्डिङ

काठमाडौं: प्रधानमन्त्री शेरबहादुर देउवा नेतृत्वको सरकारले दोस्रो पटक मन्त्रिपरिषद्को बैठक बैठक बोलाएको छ ।

प्रधानमन्त्री तथा मन्त्रिपरिषद्को कार्यालय सिंहदरबारमा दिउँसो २ बजे मन्त्रिपरिषद् बैठक बस्न लागेको हो ।

बैठकले केही महत्वपूर्ण निर्णयहरू लिनसक्ने बताइएको छ । हाल ५ सदस्यीय मन्त्रिमण्डल छ ।

अधिकांश मन्त्रालय प्रधानमन्त्री देउवाकै जिम्मामा छन् भने गृहको जिम्मेवारी कांग्रेसका बालकृष्ण खाँण र कानून, न्याय तथा संसदीय मामिला मन्त्रालयको जिम्मेवारी कांग्रेसकै ज्ञानेन्द्रबहादुर कार्कीलाई दिइएको छ ।

यस्तै, ऊर्जा, जलस्रोत तथा सिँचाइ मन्त्रालयको जिम्मेवारी माओवादीकी पम्फा भुसाल तथा अर्थको जिम्मेवारी माओवादीका जनार्दन शर्मालाई दिइएको छ ।