अखबार नेपाल ट्रेन्डिङ

काठमाडौं: नेपाल विद्युत प्राधिकरणको नेतृत्वमा ११ महिनापछि पुनः कुलमान घिसिङको कमब्याक भएको छ ।

सरकारले सोमबार नै प्राधिकरणको प्रबन्ध निर्देशकमा कुलमान घिसिङलाई नियुक्त गर्ने निर्णय गरेको थियो ।

यसअघि ४ वर्षे कार्यकाल पूरा गरी बिदा भएपनि आम जनताको चाहनामा उनी नै नेतृत्वमा दोहोरिउन भन्ने थियो ।

तर, तत्कालीन केपी शर्मा ओली सरकारले उनलाई पुनर्नियुक्ति दिएको थिएन ।

घिसिंङको पालामा नेपाल विद्युत प्राधिकरणमा विभिन्न सुधारका काम भएका थिए । उनकै पालामा चुहावट नियन्त्रण र लोडसेडिङ अन्त भएको थियो ।

ओली सरकारले नियुक्त गरेका प्रबन्ध निर्देशक हितेन्द्रदेव शाक्यलाई नयाँ सरकारले प्राधिकरणबाट हटाएर जल तथा उर्जा आयोगको सचिवालयमा पदस्थापन गर्ने निर्णय गरेको थियो ।