अखबार नेपाल ट्रेन्डिङ

काठमाडौं: आज मार्च ८ अर्थात अन्तरराष्ट्रिय नारी दिवस । ‘समानताको पुस्ताः अन्त्य गरौं, हिंसा, विभेद र असमानता’ भन्ने नाराका साथ नेपालमा पनि मनाईदै । महिला जागरूकता सम्बन्धी यो दिवस नेपालमा पनि बिबिध कार्यक्रम आयोजना गरी मनाइने गरिएको छ ।

राजनितिक तवरबाट शुरु भएको भएता पनि हाल महिला अधिकार, महिला सशक्तिकरण र समानता आदि सवालहरू अन्तर्राष्ट्रिय महिला दिवसका बिषयहरू हुने गरेका छन् । यो सर्वप्रथम् १९०९ फेब्रुअरी २८ मा मनाइएको थियो । १९१० मा महिलाहरूलाई मत हाल्ने अधिकार सुनिस्चित गर्ने उद्देश्यको साथ यसलाई अन्तराष्ट्रिय दर्जा प्रदान गरिएको थियो ।

सन् २०२० मा आइपुग्दा बिश्वभर ११० औं अन्तर्रा्ष्ट्रिय नारी दिवस मनाइन लागेको हो । नेपालमा यसै दिवसको अवसर पारेर महिला हिंसाविरोधी लम्बे अभियान सञ्चालन गरिँदै आएको छ । सामाजिक रूपमा महिला चेतनामा आएको परिवर्तन, सार्वजनिक गतिविधिमा बढ्दो महिला सहभागिता र सफलता नेपाली महिला आन्दोलनले गर्व गर्न सक्ने उपलब्धि हुन् । सबै नेपालीलाई समान हैसियतको नागरिकका रूपमा स्थापित गर्नु नेपाली महिला आन्दोलनको पहिलो र प्राथमिक विषय हो ।

दोस्रो, राजनीतिक दल, राज्य संयन्त्रलगायत राज्यका हरेक निकायमा अन्तिम निर्णय गर्ने ठाउँमा महिला सहभागिताका कारण महिला निर्णयकर्ताको अबस्था सकारात्मक छ । तर पनि आर्थिक रूपमा प्राप्त अधिकारले व्यावहारिक रूप नपाएको गुनासो हुने गरेको पाइन्छ ।